စည်းစိမ်ဝင်း(UIT)နှင့် တွေ့ဆုံမေးမြန်းခြင်း

"လူငယ်အတွက် လူငယ်"လို့ အမည်ပေးကာ တက္ကသိုလ်ကျောင်းသားကျောင်းသူတွေရဲ့ ဘာသာရပ်ရွေးချယ်ခဲ့ဖြစ်ပုံလေးတွေကို အပတ်စဉ် အင်္ဂါနေ့နဲ့ ကြာသပတေးနေ့တို့မှာ တင်ဆက်ပေးသွားမှာဖြစ်ပါတယ်။ ဒီအစီအစဉ်လေးကို လုပ်ရခြင်း အကြောင်းရင်းကတော့ တက္ကသိုလ်ရွေးချယ်ခြင်းနှဲ့ ဘာသာရပ်ရွေးချယ်တဲ့အခါ အထောက်အကူပြုနိုင်စေရန် ရည်ရွယ်တင်ဆက်ပေးခြင်းဖြစ်ပါတယ်။

စည်းစိမ်ဝင်း(သတင်းအချက်အလက်နည်းပညာတက္ကသိုလ်)နှင့် တွေ့ဆုံမေးမြန်းခြင်း

(၁) အမည်၊ ဘာသာရပ်၊ တက္ကသိုလ် စတာလေး မိတ်ဆက်ပေးပါဦး။ စည်းစိမ်ဝင်း၊ ဒုတိယနှစ်၊ သတင်းအချက်အလက်နည်းပညာတက္ကသိုလ်(UIT)။

(၂) ဒီဘာသာရပ်ကို ရွေးချယ်ခဲ့ရခြင်း အကြောင်းအရင်း သို့ နှစ်ခြိုက်မိတာလေးကို ပြောပြပေးပါဦး။

ငယ်ငယ်တည်းက နည်းပညာဆိုတဲ့အရာကို စိတ်ဝင်စားခဲ့တဲ့အတွက်၊ ပြီးတော့ ဒီတက္ကသိုလ်ကတစ်ဆင့် မိမိစိတ်ဝင်စားတဲ့နယ်ပယ်တစ်ခုကို အကျွမ်းတဝင်လေ့လာနိုင်တဲ့ အခွင့်အလမ်းကောင်းတွေရှိလို့ ရွေးချယ်ရတာပါ။

(၃) လေ့လာရမယ့် ဘာသာရပ်တွေအကြောင်း အတွေ့အကြုံလေးကို ညီငယ် ညီမငယ်တွေအတွက် ဝေမျှပေးပါဦး။

ဘာသာရပ်တွေကတော့ အစုံပဲဗျ၊ အစ်ကိုမျက်စိကျနေတဲ့ Major တစ်ခုကတော့ Knowledge Engineering(KE) ပဲဖြစ်ပါတယ်။ အဲ့ထဲမှာမှ AI အကြောင်းတွေ၊ Robotics အကြောင်းတွေကို အကျယ်တဝံ့သင်ကြားရမှာဖြစ်တဲ့အတွက် စိတ်ဝင်စားစရာကောင်းမှာပါ။

(၄) အကယ်၍ ထပ်ဖြည့်ပြောချင်တာလေးရှိရင် ပြောပေးခဲ့ပါဦး။

နောက်ဆုံး ပြောချင်တာကတော့ ၁၀ တန်း ပြီးသွားပြီဖြစ်တဲ့အတွက် တက္ကသိုလ်မတက်ရခင်ထိတော့ အပြည့်အဝနားထားပါ။ ဒါပေမဲ့တက္ကသိုလ်စတက်ရပြီဆိုတာနဲ့ လူကြီးတွေပြောသလိုမလွယ်ပါဘူး ကိုယ်တိုင်ကြိုးစားမှ ကိုယ်တိုင်ရမှာပါ။ ဇွဲရှိရှိနဲ့ ကိုယ့်ရည်မှန်းချက်အတွက် ကြိုးစားကြဖို့အကြံပြုချင်ပါတယ်။

Content : Tint Tharawun Graphic : Htet Aung